AFRIKAANS

4. (‘n Gediggie wat Ouma Sielie vir ons geleer het, veral as ons ongehoorsaam was!) ‘n Muisie speel naby die kat, Sy moeder sien hom daar. “Ag, kindlief,” roep sy, “kom tog gou Jy is in groot gevaar!” Maar hoe die moeder ookal roep Die muisie gaan sy gang. Daar spring die kat en in haar klou Het sy die muis gevang. Ag, had die diertjie maar gehoor .. Berou kom nou te laat. Leer hier ‘n lessie uit, my kind, en hoor na goeie raad. https://afrikaansjakes.blogspot.com/

DIE VLOEKWOORD https://afrikaansjakes.blogspot.com/ Moederlief sit by die venster Besig met die kouse stop. Binne snel haar seuntjie Nathan, Asem uit op ‘n gallop. “Moeder,” sê die kleine Nathan, “Moeder, het vir ons geleer: As ons woorde sê wat stout is maak ons ma se hart so seer.” “Ja, my kindjie” sê die moeder, Wat het my kind gesê?” “Ma, dis Ethan, dis nie ek nie! Dis ‘n vloekwoord wat hy sê” “Kom nou Nathan, sê die moeder, Wat het Ethan dan gesê? Moeder kan hom mos nie straf nie Voordat jy die saak uitlê.” “Ag,” sê Nathan, “dis te vreeslik, Ma se hart sal sommer breek. Ma sal seker dit nie glo nie, Maar hy sê … hy sê…APTEEK!” Henriette Pienaar